1. Басты
  2. Біл
  3. Жаңалықтар
  4. Ел жаңалықтары

Назарбаев Сыртқы барлау қызметінің жаңа басшысына тапсырмалар берді

© akorda.kz © akorda.kz

Нұрсұлтан Назарбаев Қазақстан Республикасының "Сырбар" сыртқы барлау қызметінің басшылық құрамымен кездесті, - деп хабарлайды Tengrinews.kz тілшісі Ақордаға сілтеме жасап.

Кездесу барысында Мемлекет басшысы барлау қызметінің ұжымына жаңа директор Сартаев Исатай Бақтиярұлын және директордың бірінші орынбасары Оразов Нұрлан Оразұлын таныстырды.

Қолданыстағы заңнамаға сәйкес Исатай Сартаев ант қабылдады.

Кездесу соңында Қазақстан Президенті жаңа басшылыққа сыртқы барлау қызметі жұмысының негізгі басымдықтарын белгілеп, бірқатар нақты тапсырма берді.

Мұның алдында Мемлекет басшысының Өкімімен Исатай Сартаевтың "Сырбар" Сыртқы барлау қызметінің директоры болып тағайындалғаны хабарланған болатын.