Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 340.11
EUR / KZT - 407.93
CNY / KZT - 51.61
RUB / KZT - 5.91

Назарбаев Трампқа Путин жайлы не дегенін айтып берді

14 Қыркүйек, 16:08
0
© akordapress
© akordapress

Қазақстан Президенті Нұрсұлтан Назарбаев Ақордада өткен баспасөз конференциясы барысында АҚШ президенті Дональд Трамппен не жайында сөйлескенін айтып берді, - деп хабарлайды Tengrinews.kz тілшісі. 

Журналистер Нұрсұлтан Назарбаевтан Дональд Трамппен телефон арқылы не туралы әнгімелескенін сұрады.

Нұрсұлтан Назарбаев өз кезегінде Қазақстан-Америка арасындағы қарым-қатынас жайында, екі елге ортақ компаниялар мен инвестициялар, сондай-ақ, ядролық қарусыздану мәселелерін талқылағандарын айтты.

"Әрине, мен біздің әріптес - Ресеймен қарым-қатынасы жайлы сұрадым. Себебі біз алғашқы әңгімемізде осы тақырыпта біраз сөйлескен едік. Мен батыстағылардың Ресейді дұрыс емес қабылдайтынын ашық айттым, Ресейдің президентін де. Ол мүлде басқа адам. Сол кезде ол: "Сен білесің ғой, біз Путинмен Германияда кездестік, енді барлығы қазіргі жағдайға байланысты". Меніңше, ынта болса, қарым-қатынасты реттеуге болады. (...) Америка мен Ресей - ірі ядролық мемлекеттер, әлемдік проблемаларды Америкасыз және Ресейсіз шешуге болмайды, - деді Назарбаев.

Сондай-ақ, Қазақстан Президенті Трамптың оны Ақ үйге шақырғанын айтып өтті.

Айта кетейік, қыркүйек айының басында Ақорда Трамптың Назарбаевқа телефон соққанын хабарлаған еді. Әңгіме барысында Трамп Назарбаевты EXPO-2017 халықаралық көрмесін Астанада сәтті өткізуімен құттықтап, бұл шараға америкалық делегацияның қатысу қорытындысын жоғары бағалаған болатын.

Ал кейінірек Желіде Трамптың Назарбаевпен телефонмен сөйлесіп отырған суреті пайда болған еді. Суретті Трамптың командасындағы әлеуметтік желілер жөніндегі директоры Дэн Скавино Twitter желісіндегі микроблогында жариялаған болатын.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай