Назарбаев: Ұлтаралық қатынастар саяси ойын алаңы емес

18 Сәуір 2014, 16:17
0

Мемлекет басшысы Нұрсұлтан Назарбаев фашизммен болған соғыстағы ұлы Жеңісті ешқашан санадан шығармауға шақырды, - деп хабарлайды Tengrinews.kz тілшісі.

"Қазақстандықтар халқымыздың, бүкіл ТМД халқының Ұлы Отан соғысында "сұр обаны" жеңу жолындағы ұлы құрбандықтарын әрқашан есте ұстауы тиіс. Ол әрқашан жаңа ұрпақты отбасында, мектепте, ЖОО-да тәрбиелеудің құралы болуы керек. Фашизмді жеңуіміз туралы естеліктің ешқашан санадан өшпегені маңызды", - деді Мемлекет басшысы Қазақстан халқы Ассамблеясының ХХІ сессиясында.

Сондай-ақ, ол ұлтаралық қатынастарды саяси ойын алаңына айналдырмау керектігін ескертті. "Бұл - адамдардың тағдыры. Оны кейінге қалдыруға, арсыз мақсатқа пайдалануға, саяси топтардың билік үшін күресуге қолдануына болмайды. Ол мемлекет үшін, халық үшін, әрбір адам үшін қауіпті. Шовинизм мен национализмді неофашизмнен жұқа шекара ғана бөліп тұр, одан әрі өтіп кету оңай", - деді Назарбаев.

 

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай