Нұрсұлтан Назарбаев халықаралық әуежайында ауа райына байланысты бірнеше рейс кешіктірілді, - деп хабарлайды Tengrinews.kz тілшісі.
"Ұшуға алты рейс, ұшып келуге 10 рейс кешіктірілді. Қосымша ақпаратты әуежай анықтамалығынан немесе әуекомпаниялар call-орталығынан анықтап алған дұрыс", - деді әуежайдың баспасөз хатшысы Анвар Шалекенов.
Индустрия және инфрақұрылымдық даму министрлігі ақпараты бойынша, 10 наурызда сағат 10 кезінде Нұр-Сұлтан әуежайындағы ұшу-қону жолағының (ҰҚЖ) ілінісу коэффициенті 0,27-ге дейін төмендеді.
"Рейсті орындаудың ең төменгі нормасы - 0,35. Қазіргі уақытта реагентті пайдаланып, ҰҚЖ тазалау бойынша жұмыс жүргізіліп жатыр. Жолаушылардан рейстер туралы ақпаратты нақтылап алуды сұраймыз. Азаматтық авиация комитеті мен әуекомпаниялар жұмысындағы басты басымдық - ұшу қауіпсіздігі", - деп түсіндірді ведомство өкілі.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
