1. Басты
  2. Біл
  3. Жаңалықтар
  4. Ел жаңалықтары

Нұр-Сұлтанда 5 мың маска мен 1200 литр антисептикалық құрал негізсіз қымбат сатылған

Елордада негізсіз қымбат бағамен 5 мың маска және 1200 литр антисептикалық құрал сатылған, - деп хабарлайды "Хабар 24" телеарнасы.

Телеарна мәліметінше, дәл осындай барлығы 15 дерек тіркелген. Нұр-Сұлтан қаласының прокуратурасы медициналық маскалардың құнын негізсіз көтерген кәсіпкерлермен күресті жалғастырып жатыр.

Бұдан бөлек, жедел топ төтенше жағдай режимін бұзудың 48 фактісін анықтады. Яғни, қоғамдық орындардың жұмыс кестесі бұзылған. Аталған деректер бойынша әкімшілік тергеу басталды. Ал, қымбат бағамен сатылған медициналық тауарлар сот үкімімен тәркіленеді. Прокуратура жанынан құрылған жедел топтар рейдтік шараларды жалғастырмақ.

Қазақстан жаңалықтары. Соңғы жаңалықтар. Telegram желісінде бізге жазыл!