Нұр-Сұлтанда Алаш Орда жетекшілеріне ескерткіш орнатылады 03 шілде 2021, 15:25
Нұр-Сұлтанда Алаш партиясының жетекшілеріне ескерткіш орнатылады, - деп хабарлайды Tengrinews.kz тілшісі.
Жалғасы
Қазақстандық режиссер Қуаныш Бейсеков Instagram-дағы парақшасында ескерткіштің суретін жариялады. Кадрларға қарағанда, мүсінде Алаш қозғалысының көшбасшылары - Ахмет Байтұрсынов, Әлихан Бөкейханов пен Міржақып Дулатов әңгімелесіп тұрған кезі бейнеленген.
Әкімдік өкілдері қалада шынымен алашордашыларға ескерткіш орнату жоспарланғанын растады, бірақ әзірге басқа мәлімет берілген жоқ.
Айта кетейік, Алаш автономиясының орталығы саналатын Семейде Алаш қозғалысының 100 жылдығына орай 2017 жылы Әлихан Бөкейхановтың құрметіне қола ескерткіш орнатылған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!