Нұр-Сұлтанда балалар үшін Ақордаға экскурсия ұйымдастырылды. Бұл туралы Мемлекет басшысы баспасөз қызметі хабарлады, - деп хабарлайды Tengrinews.kz тілшісі.
"Аз қамтылған және көпбалалы отбасылардың бүлдіршіндері, жетімдер үйінде тәрбиеленіп жатқан балалар, оқу озаттары, зияткерлік және шығармашылық конкурстардың жеңімпаздары мен жүлдегерлері Ақорданы аралап көрді", - делінген хабарламада.
Экскурсияға еліміздің барлық өңірлерінен жиналған 10-14 жас аралығындағы 34 оқушы қатысты.
Бұған дейін Президент Қасым-Жомарт Тоқаев Халықаралық балаларды қорғау күніне орай "Алматы БалаFEST" қалалық балалар фестивалінің қорытынды іс-шарасына қатысқанын жазғанбыз.
Сілтемесіз жаңалық оқисыз ба? Онда Telegram желісінде парақшамызға тіркеліңіз!