Елордада науқастарға медициналық көмекті дер кезінде көрсету үшін барлық компьютерлік томографтың жұмысы тәуліктік режимге ауыстырылды, - деп хабарлайды Tengrinews тілшісі қала әкімдігінің баспасөз қызметіне сілтеме жасап.
"Компьютерлік томография COVID-19 нәтижесінде пайда болатын пневмония мен өкпедегі басқа да патологияларды ерте кезеңде анықтауға мүмкіндік береді. Елордада 17 КТ аппараты бар. Оның барлығы тәулік бойы жұмыс істейді. Елорда әкімдігі қосымша тағы 2 КТ аппаратын сатып алды. Олар шілденің соңына дейін қалаға әкелінеді", - делінген хабарламада.
Елорда әкімдігінің баспасөз қызметінің мәліметінше, қалада 14 мемлекеттік және 2 жеке емханада рентген аппараттары бар.
