Нұр-Сұлтанның бас санитар дәрігері Жанна Пірәлиева елордада коронавирус жұқтыру дерегі күрт көбейгенін айтты, - деп хабарлайды Tengrinews.kz тілшісі.
"Қаладағы науқастар саны көрсеткіші республикалық көрсеткіштен 2,1 есеге жоғары және 100 мың тұрғынға шаққанда 1256,1 адамнан коронавирус анықталған. Ал республика бойынша бұл көрсеткіш 604,9-ға тең.
Соңғы аптадағы науқастар саны бойынша көрсеткіш алдыңғы аптадан 1,3 есеге немесе 28,7 пайызға жоғары. Қазан айында аурудың өсу тенденциясын ескере отырып, R санының артуы қаладағы карантин шараларын жеңілдетуге мүмкіндік бермейді", - деді Пірәлиева.
Оның айтуынша, қазіргі уақытта коронавирус жұқтырғандар саны өсіп жатыр. Күніне 15-тен 30 адамға дейін тіркеліп жатыр дейді.
Ал Қазақстанда бүгінде коронавирус жұқтырғандар саны 111 100-ге жетті.
Қазақстан жаңалықтары. Соңғы жаңалықтар. Telegram желісінде бізге жазыл!
