1. Басты
  2. Біл
  3. Жаңалықтар
  4. Ел жаңалықтары

Нұр-Сұлтанға кіріп-шыға алатындардың тізімі жарияланды

Нұр-Сұлтан қаласының әкімдігі елордаға кіріп-шығуға рұқсат берілгендердің жаңа тізімін жариялады, - деп хабарлайды Tengrinews.kz тілшісі әкімдік сайтына сілтеме жасап.

Алгоритмге сәйкес, блок бекеттерде санитарлық-карантиндік бақылау жүргізіледі, қаладан шығуға-кіруге тыйым салынады. Жаңа алгоритмі 13 мамырдан бастап күшіне енді. Алайда төмендегі санатқа кіретіндерге шаһардан кіріп-шығуға рұқсат беріледі:

  • қаланың тыныс-тіршілігін қамтамасыз ету ұйымдарының қызметкерлері;
  • ТЖ режимі алынып тасталғаннан кейін өз жұмысын қайта бастаған ұйым қызметкерлері;

  • карантин аймағына, одан тыс жерлердегі саяжай учаскелеріне (қала сыртындағы үйлерге) бара жатқан азаматтар;

  • медициналық көрсеткіштер бойынша шығатын және келетін адамдар;

  • көктемгі егіс жұмыстарына жіберілген азаматтар;

  • Ақмола облысы Целиноград, Аршалы, Шортанды және Қорғалжын аудандарының тұрғындары;

  • ҚР басқа өңірлерінде тіркелген карантин аймақтарынан шығатын адамдар санитарлық блок бекеттен қажетті құжаттарды толтырғаннан кейін;

  • патрульдік полицияның қатысуынсыз жерлеу мақсатында карантин аймағынан өтетін азаматтар;

  • шетел азаматтары;

  • карантин аймағына немесе карантин аймағынан өздерінің кәмелетке толмаған балаларына бара жатқан азаматтар;

  • карантин аймағына немесе карантин аймағынан сырқат туыстарына күтім жасау мақсатында бара жатқан азаматтар;

  • әуе рейсімен бара жатқан азаматтар;

  • қалпына келтіру жұмыстары және су тасқынына қарсы іс-шараларға көмек көрсету үшін Түркістан облысына жіберілетін азаматтар;

  • азық-түлік және азық-түліктік емес тауарларының жүк көліктері;

  • транзит.