Нұрсұлтан Назарбаев Иордания Королі II Абдалламен кездесті

11 Маусым 2015, 14:45
2
Нұрсұлтан Назарбаев Иордания Королі II Абдалламен кездесті - © akorda.kz
© akorda.kz

Нұрсұлтан Назарбаев Иордания Королі II Абдалламен кездесті, - деп хабарлайды Tengrinews.kz тілшісі Ақорда баспасөз қызметіне сілтеме жасап. Король Қазақстанға Әлемдік және дәстүрлі діндер лидерлері съезінің жұмысымен келді.

Нұрсұлтан Назарбаев пен II Абдалла екіжақты және өңірлік ынтымақтастық мәселелерін қарастырды, сондай-ақ халықаралық күн тәртібіндегі өзекті жайттар туралы пікір алмасты.

Нұрсұлтан Назарбаев Иорданияның Қазақстанға жақын ел екеніне назар аударды.

"Сіздің Әлемдік және дәстүрлі діндер лидерлері съезіне қатысу үшін біздің елімізге келуіңіз зор мәнге ие. Біз сізбен әрдайым өзара сенімді қарым-қатынаста болдық. Қазақстан сіздің еліңізге үлкен құрметпен қарайды. Сіздің Иордания орналасқан өңірдегі тұрақтылықты қамтамасыз етуде маңызды рөл атқарып отырғаныңызды атап өткім келеді. Сондықтан біз Сізді әрдайым қолдауға әзірміз", - деді Мемлекет басшысы.

II Абдалла екіжақты байланыстарды нығайтудың маңыздылығын айта келіп, Қазақстанға шақырғаны үшін Нұрсұлтан Назарбаевқа алғыс айтты.

"Өзіңізбен кездесіп, ортақ күш-жігеріміз арқылы әлемнің бұдан да жайлы әрі тыныш болуына қалай ықпал ете алатындығымыз туралы Сізден кеңес алу мені әрдайым жылы әсерге бөлейді. Мен көп жылдан бері өңірдегі бітімгершілік, халықтар мен діндерді жақындастыру жолындағы Сіздің қызметіңізге тәнті болып келемін", - деді Иордания Королі.

Айта кетейік, ҚР Президенті Нұрсұлтан Назарбаев Астанада өтіп жатқан Әлемдік және дәстүрлі діндер лидерлерінің V съезінде сөз сөйлеу кезінде шараның қорытындысы бойынша декларацияға бітім жасасуға үндеу жарияланғанын қосу қажеттігін айтты. Ол әлемдегі барлық әскери қақтығысты доғаруға шақырды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (2)
Оқылып жатыр
Талқыланып жатыр
Бүгін
Апта
Ай