+7 (777) 001 44 99
Қазақша
Русский
English
Қазақша
Русский
English
ҚР бала құқықтары жөніндегі уәкілі Зағипа Бәлиева зорлық көрді делінген жеті жасар баланың анасы онымен байланысқа шыққанын айтты. Бәлиеваның айтуынша, бала бүгін анасымен кездеседі, - деп хабарлайды Tengrinews.kz тілшісі.
"Анасы мен адвокаттар келеді. Бүгін сіздермен брифинг өткізгеніміз жақсы болды. Анасынан келуін сұрап өтіндім. Себебі бала анасын қатты сағынып жүр. Олар маған өздері хабарласты. Біздің қоңырауларға жауап бермеген еді. Бүгін кешке ұшып келеді. Ол міндетті түрде анасымен кездеседі", - деді Зағипа Бәлиева.
Сондай-ақ, ол адвокаттардың баламен кездескенге дейін қажетті құжаттарды көрсетуі тиіс екенін айтып өтті.
Бәлиеваның айтуынша, анасының ұлын өзімен бірге Алматыға алып кетуге құқы бар.
"Анасы баланың заңды өкілі. Ол Астанада қайтадан кешенді сараптамалар өткізуі тиіс екенін түсінуі қажет. Оған барлығын түсіндіреміз. Баланы қауіпсіздікпен қамтамасыз ете алса, яғни, оған көзім жетсе ол баланы алып кете алады", - деді Бәлиева.
Мұның алдында зорланды делінген баланың Астанаға жіберілгені айтылған болатын.
Бүгін, 15 наурызда облыс әкімінің төрағалығымен Сарыағаш ауданы Абай ауылындағы мектептерде болған жағдай бойынша отырыс өтіп жатыр.
ОҚО әкімі барлық тексеріс жұмыстары аяқталған соң нәтижесін көрсететіндерін айтты.
"Бұл процесте біраз қателік кетті. Қазір біз жұмыс тобын құрдық. БАҚ өкілдері мен қоғам белсенділерін осы іске араласуға шақырамыз", - деді Жансейіт Түймебаев.
Осыған дейін ҚР бала құқықтары жөніндегі уәкілі Зағипа Бәлиеваның зорлық көрді делінген оқушы баламен кездескені хабарланған болатын. Бәлиеваның айтуынша, баланың денсаулығы мен құқығын қорғау мақсатында тергеуші балаға ешкімнің де қандай да бір сұрақ қоя алмайтын қаулы шығарған.
Еске салайық, Желіде ОҚО-ның Сарыағаш ауданындағы Абай ауылында жеті жасар бала зорланды деген ақпарат тараған. Кейін TVK мәліметінше, ОҚО ІІД өкілдері бұл дерекке қатысты ҚР Қылмыстық кодексінің 121-бабының 4-бөлігі ("Сексуалдық сипаттағы зорлық-зомбылық әрекеттері") бойынша қылмыстық іс қозғалғанын хабарлаған. Алайда күдіктілер немесе ұсталып, қамалғандар жайлы ешқандай мәлімет түспеді. Артынша білім және ғылым вице-министрі Бибігүл Асылова сараптама қорытындысы оқушы баланың зорланғанын растағанын хабарлаған.
