+7 (777) 001 44 99
ПОДЕЛИТЬСЯ
Қазақстан мен Ресейдің XI Өңіраралық ынтымақтастық форумын ұйымдастыруға 70 миллион теңге жұмсалды, - деп хабарлайды Tengrinews.kz тілшісі Атырау облысының әкімі Бақтықожа Ізмұхамбетовке сілтеме жасап.
Қазақстан мен Ресейдің XI Өңіраралық ынтымақтастық форумын ұйымдастыруға 70 миллион теңге жұмсалды, - деп хабарлайды Tengrinews.kz тілшісі Атырау облысының әкімі Бақтықожа Ізмұхамбетовке сілтеме жасап.
"Форумды ұйымдастыруға біз 70 миллион теңге жұмсадық, ол тек қана ұйымдастыру жұмыстарына жұмсалды. Тұрғызылған ғимараттарға келсек, Салтанат үйін біз Неке қию үйіне дайындап жатырмыз, ол осы мақсатпен салынды. Біз облыс орталығында тиісті ғимарат болмаған соң форумды өткізуге соны пайдаландық. Көрме орталығын біз Әлеуметтік-кәсіпкерлік корпорациясына бердік, ол түрлі шаралар өткізуге қолданылатын болады. Басқа шығындар болған жоқ", - деді Ізмұхамбетов журналистердің сұрағына жауап беріп.
Еске сала кетейік, Атырауда форум 29-30 қыркүйек күні өткен болатын. Оның тақырыбы "Көмірсутектер саласындағы инновациялар" деп аталды. Қатысушылардың арасында тиісті министрліктердің жетекшілері, Ресей субъектілері мен Қазақстанның түрлі облыстарының және іскерлік орта өкілдері бар. Келесі форум Уфа қаласында өтеді.
