Оңтүстік Қазақстан облыстарында дауылды ескерту жарияланды

12 Сәуір 2017, 14:01
0
Оңтүстік Қазақстан облыстарында дауылды ескерту жарияланды - © Tengrinews.kz
© Tengrinews.kz

Оңтүстік Қазақстан, Жамбыл және Алматы облыстарында дауылды ескерту жарияланды, - деп хабарлайды Tengrinews.kz тілшісі.

"Қазгидромет" өкілдерінің мәліметінше, 13 сәуірде Оңтүстік Қазақстан облысында жауын-шашын күтіледі, ал күннің екінші жартысында таулы аймақтарда қар аралас жаңбыр болуы мүмкін екені айтылады. Сондай-ақ, найзағай, нөсер болып, оңтүстік-батыс желінің күшеюі болжанады. Ал 14 сәуірде ауа температурасы 2 градусқа дейін суық болатыны айтылады.

Жамбыл облысында 13 сәуірде таңертең және күндізгі уақытта жаңбыр күтіледі, ал күннің екінші жартысында қар аралас жаңбыр болжанады. 14-15 сәуірде ауа температурасы -5 градусқа дейін төмендейтіні айтылады.

Алматы облысында 13 сәуірде таңғы және күндізгі уақытта қатты жаңбыр болса, күннің екінші жартысында таулы аймақтарда қар аралас жаңбыр болатыны айтылады. Ал 14-15 сәуірде синоптиктердің мәліметінше, ауа температурасы 0-5 градусқа дейін төмендейді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай