+7 (777) 001 44 99
ПОДЕЛИТЬСЯ
Оңтүстікте апасымен бірге жоғалған қыз ұрланған болуы мүмкін, - деп хабарлайды КТК телеарнасы.
Оңтүстікте апасымен бірге жоғалған қыз ұрланған болуы мүмкін, - деп хабарлайды КТК телеарнасы.
Айта кетейік, 17 сәуірде Дәубаба ауылында Инабат Іңкәрбек Шымкенттен келген апасы Әшіргүл Баймұратовамен тауға серуендеуге шыққан. Кешке шатқалды аралап жүргенде, жаңбыр жауып, айналаны тұман басып кетеді. Үйге оралмаған соң, туыстары тәртіп сақшыларына хабар берген.
Содан бері полиция, құтқарушылар, тіпті ауылдың ер мұғалімдері мен спорт мектептерінен жігіттер тартылған. Ұзын ырғасы 400 адам жұмылдырылды. Иісшіл иттер де тау-тастың арасын тінтіп жатыр. Әуеден квадрокоптермен де бақылап көрген. Тараздан тікұшақ шақыртылып, 60 шақырым жерді шарлапты. Ұлттық парк аумағы болғандықтан жоғалған қыз бен әйел жыртқыш аңға жолығуы мүмкін дейді тәртіп сақшылары. Ал туыстары 56 жастағы отбасын құрмаған апалары Инабатты ұрлап әкетті деген болжамды да тексеруді сұрап отыр. Ал ертең іздестіру жұмыстарына Ұлттық гвардияның 300 сарбазы қосылуы тиіс.
"Құлап қалса, аяғы сынып қалса табылар. Егер қыз құлап қалса, әпшем көтеріп әкеледі ғой. Енді білмеймін, ауытқып қайда кетті. Миыма сыймай кетті. Небір ойлар келіп жатыр", - деді жоғалған қыздың анасы Гүлнұр Өтегенова. (Дереккөз: КТК)
