Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 310.83
EUR / KZT - 349.96
CNY / KZT - 45.13
RUB / KZT - 5.50

Өскемен дәрігерлері диагноз қоя алмай, жындыханаға жіберді

20 Қаңтар 2014, 15:02
0
Фото kp.ru сайтынан
Фото kp.ru сайтынан
Өскеменде дәрігерлер 20 жастағы Перизат Әубәкіроваға нақты диагноз қоя алмай, оны психоневрологиялық ауруханаға жіберді деп хабарлайды YK-news.kz.

Пациенттің әкесі Мұратбек Әубәкіровтің айтуынша, оның қызы өткен жылдың ақпан айында өзін жайсыз сезінген. Алғашқыда дәрігерлер науқасты жедел респираторлық вирустық инфекция жұқтырды деген күдікпен қалалық аурухананың инфекциялық бөліміне жатқызған. Үш күннен соң қыз неврология бөліміне ауыстырылады.

Арада біраз уақыт өткенде Әубәкірованы бүйрек үсті безі мен миын магнитті-серпінді томографиядан өткізу үшін Семей қаласына жібереді. Бірақ пациенттің жағдайы жақсара қоймайды, ол бұрынғысынша тамақ іше алмай, аузына ас алған сайын құса береді.

"Оның күйзелістегі жағдайынан ба, әлде препараттардың әсерінен бе жағдайы жақсармағандықтан емдеуші дәрігер Перизатты психоневрологиялық диспансерге кеңес алуға жіберуді ұйғарды. Дәрігерлердің пікірінше, қызымда нейрогенді анорексия белгісі бар", - дейді әкесі.

Диспансерге келгеннен кейін науқастың жайы одан әрі нашарлайды, оның басы жиі ауыратын болған. Әкесі Шығыс Қазақстан облыстық денсаулық сақтау басқармасы бастығының орынбасары Сергей Поповтың қабылдауына барады, ол бірден Перизатты бірінші қалалық ауруханаға ауыстыруды тапсырады. "Оның телефонмен "Қызды құтқару керек!" дегені есімде. Астаналық дәрігерлермен тікелей телекөпір ұйымдастырылды. Бұдан кейін санавиацияның көмегімен қызым Астанаға жөнелтілді. Екі күннен кейін ол тамақ іше бастады", - деп әңгімелейді Мұратбек Әубәкіров.

Астанада дәрігерлер қызға ұйыма менингоэнцефалит (мидың қабынуы) деген диагноз қойды. Пациент ауруының негізгі себебі анықталғаннан кейін ол дұрыс ем қабылдай бастады. Ал оның әкесі Шығыс Қазақстан облысының ішкі істер департаментіне, қалалық және облыстық прокуратураға, Медициналық және фармацевтикалық қызметті бақылау комитеті департаментіне арыз жазған, енді Бас прокуратураға шағымданғалы отыр.

Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай