Өскеменде кеше сағат 21:30 шамасында Михаэлис көшесіндегі көпқабатты тұрғын үйдің жертөлесінен өрт шықты. Өртсөндірушілер 12 адамды құтқарды, оның алтауы балалар, - деп хабарлайды Tengrinews.kz тілшісі.
Оқиға орнына дереу жеткен өртсөндіру бөлімшелері жертөле жанып жатқанын анықтап, қауіпті аймақтан 12 адамды, оның ішінде алты баланы құтқарды. Кейін тағы тоғыз тұрғын эвакуацияланды. Құрбандар мен зардап шеккендер жоқ.
"Өрт 5 шаршы метр аумақта толығымен сөндірілді. Өрттің алдын ала себебі анықталып жатыр", - деді Шығыс Қазақстан облысы Төтенше жағдайлар департаментінің баспасөз қызметі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
