Өзбекстан коронавирус жұқтырғандар саны бойынша Қазақстаннан озды, - деп хабарлайды Tengrinews.kz тілшісі.
"2020 жылы 15 сәуір 22:30-дағы жағдай бойынша, Өзбекстанда коронавирус инфекциясын жұқтырғандар саны - 1302", - делінген республикалық Денсаулық сақтау министрлігінің Telegram-каналында.
Ведомство мәліметінше, Өзбекстанда 14 сәуірде коронавирус жұқтырудың 167 жаңа дерегі тіркелген. Бұл тәулігіне вирус жұқтыру дерегі бойынша елдің рекорды саналады.
Өзбекстанда коронавирустан жазылғандар саны 107-ге жетті, 4 адам қайтыс болған.
Ал Қазақстанда, соңғы мәліметтер бойынша, 1295 адам вирус жұқтырған, оның 240-ы жазылған және 16 адам көз жұмды.
Қазақстан жаңалықтары. Соңғы жаңалықтар. Telegram желісінде бізге жазыл!