Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

Павлодарлық студенттер қымыздан балмұздақ дайындады

07 Желтоқсан 2015, 17:49
1
© pavlodarnews.kz
© pavlodarnews.kz

Павлодарлық студенттер қымыздан балмұздақ дайындады, - деп хабарлайды Рavlodarnews.kz.

Басылымның мәліметінше, павлодарлық студенттер Асхат Айтжанов пен Нургиза Калинованың "Қымыздан балмұздақ дайындау" тақырыбында қорғаған жобасы жастардың бизнес-бастама форумында жеңімпаз атанып, 500 мың теңге жүлдеге ие болды.

Жоба авторларының бірі Асхат Айтжановтың айтуынша, бұл идея бір ай бұрын туындап, аз уақыт ішінде қолға алынған.

"Біз әуелі шипалы сусыннан жасалған балмұздақты балалар мен ересектерге ұсындық. Ерекше тағам дәм татқандардың көңілінен шыққан соң, білім ордасының басшылығына ресми хат жаздық. Бұл ұсынысымыз бірден қолдау тапты. Көп ұзамай университетіміздегі Enactus ұйымымен тығыз байланыс орнатып, жобамызды республикалық форумда қорғауға жолдама алдық. Нәтижесінде жобамыз көпшіліктің көңілінен шықты", - деді Айтжанов.

21 жастағы ғалымның айтуынша, Торайғыров атындағы Павлодар мемлекеттік университетінде өткен форумда республиканың түкпір-түкпірінен 160-тан астам жас ғалым қатысқан. Қазірде тәтті тағамның екі түрі дайындалған: бірі - қышқылдау болса, екіншісі - тәтті.

"Ерекше балмұздақ жасаудың әдіс-тәсілдерін әзірге ашып айта алмаймыз. Болашақта жобаны онлайн сатылымға қойып, сауда орталықтарын ашқымыз келеді. Ал негізгі мақсатымыз - ұлттық сусынның қолданыс аясын кеңейту", - деді ол.


Нравится
Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай