Пара берді деген күдікті Грузиядан Қазақстанға экстрадицияланды. Мән-жайды Бас прокуратура хабарлады, - деп жазады Tengrinews.kz.
Тергеу анықтағандай, күдікті жеке кәсіпкер бола тұра, қылмыстық жауапкершіліктен жалтару және өзінің тай массажы салонының жұмысын кедергісіз жүргізу үшін полиция қызметкеріне ақша берген.
"Қылмыс жасағаннан кейін күдікті қылмыстық қудалау органдарынан жасырынған, соған байланысты оған халықаралық іздеу жарияланды. Осы жылдың наурыз айында ол Рустави қаласында ұсталып, Қазақстан Бас прокуратурасының сұрауымен отанына экстрадицияланды", - делінген қадағалау органының хабарламасында.
Қазіргі уақытта күдікті тергеу изоляторына қамалған. Оған мүлкі тәркіленіп, 7 жылға дейін бас бостандығынан айыру жазасы берілуі мүмкін.
