Алматыда полицейлердің атын жамылып алаяқтық жасады деген күдікпен бір топ адам ұсталды, - деп хабарлайды Tengrinews.kz тілшісі.
Алматыда полицейлердің атын жамылып алаяқтық жасады деген күдікпен бір топ адам ұсталды, - деп хабарлайды Tengrinews.kz тілшісі.
Тергеу мәліметінше, қаскөйлер өздерін тәртіп сақшылары ретінде таныстырып, қылмыстық жауапкершілікке тартамыз деп қорқытып, жергілікті тұрғынның қолма-қол ақшасы мен көлігін иемденген. Келтірілген шығын соммасы 12 миллион теңгеден асады.
Аталған дерек бойынша қылмыстық іс қозғалды.
"Алматы мен Алматы облысы полиция бөлімшелерінің бірлесіп жүргізілген мақсатты жедел-іздестіру шараларының нәтижесінде алты адам ұсталды.
Тінту кезінде жалған қызметтік куәліктер, процессуалдық құжат бланкілері, нысанды киім элементтері, оқ-дәрілер, мөрлер, суық қарулар, сондай-ақ түрлі елдерден келген мемлекеттік нөмір белгілері тәркіленді", - делінген хабарламада.
Барлық күдікті уақытша ұстау изоляторына қамалған. Тергеу жалғасып жатыр.
Посмотреть эту публикацию в Instagram
"Мұндай қылмыстармен күресу - біздің жұмысымыздың басым бағыты болып табылады. Біз жәбірленушінің арызына жедел ден қойып, мақсатты іс-шаралар ұйымдастырып, күдіктілерді ұстадық. Алматы полициясы құқық қорғау рәміздерін заңсыз пайдалану деректерінің жолын кесуді және оған қатысы барлардың барлығын жауапкершілікке тартуды жалғастырады", - деді Алматы ПД есірткі қылмысына қарсы күрес басқармасының бастығы Мұрат Жұмабаев.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
