Ресей президенті Владимир Путин Нұрсұлтан Назарбаевқа қоңырау соқты, - деп хабарлайды Tengrinews.kz тілшісі Ақордаға сілтеме жасап.
Мемлекет басшылары әңгімелесу барысында екі жақты ынтымақтастықтың, сондай-ақ, өңірлік және халықаралық күн тәртібінің мейлінше өзекті мәселелерін талқылады.
Сонымен қатар екі ел басшылары алдағы кездесулер кестесін, соның ішінде биылғы 12 тамызда Ақтау қаласында өтетін Бесінші Каспий саммиті аясындағы кездесулер барысын қарастырды.
Телефон арқылы сөйлесуге Ресей жағы бастамашы болды.
