1. Басты
  2. Біл
  3. Жаңалықтар
  4. Ел жаңалықтары

QazVac құрастырушылары Medsupportkz сынына жауап берді 07 маусым 2021, 13:10

Қазақстандық вакцинаны әзірлеуші және биологиялық қауіпсіздік проблемалары ҒЗИ ерекше инфекциялар зертханасының меңгерушісі Лесбек Құтымбетов
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек

Фото Tengrinews.kz/Алихан Сариев Фото Tengrinews.kz/Алихан Сариев

Қазақстандық вакцинаны әзірлеуші және биологиялық қауіпсіздік проблемалары ҒЗИ ерекше инфекциялар зертханасының меңгерушісі Лесбек Құтымбетов Medsupportkz қауымдастығының дәрігерлері мен ғалымдарының сынына жауап берді, - деп хабарлайды Tengrinews.kz тілшісі.

"Халықтан алаңдамауын сұрау керек. Бірінші кезекте, әзірлеуші, яғни біз 60 жылдан бері вакцина әзірлеумен айналысып келеміз. Біз сапасыз препаратты жаппай қолдануға жібере сала алмаймыз. Бұл вакцина зертханалық жануарларға егжей-тегжейлі клиникаға дейінгі зерттеулерден өтті. Өзіміз осы вакцинаны салдық. Вакцинаның зияны жоғы анықталды. Оның иммуногендік белсенділігі бар. Яғни, коронавирус инфекциясынан қорғайды", - деді Құтымбетов.

Мұны коронавирус инфекциясының қоздырғышына, атап айтқанда SARS-CoV-2-ге қарсы нақты антиденелерді анықтау бойынша зертханалық талдаулар растайтыны хабарланды.

"Бұл жұқпалы вирусқа қарсы белгілі бір жолмен денелерді, қан сарысуын анықтауда айқындалады. Оның көбею қабілетін, патогендік қасиеттері мен вакцина салғанда пайда болған антиденелерді қаншалықты бейтараптандыратыны анықталады", - деді ол.

Ол Medsupportkz-тің статистикалық мәліметтер жоқ, әзірлеушілер өндіріс процесі туралы ақпаратты ашудан бас тартатыны туралы мәлімдемесіне жауап берді.

"Ең сенімді деректер - клиникалық зерттеулер нәтижелері бойынша есеп. Клиникалық зерттеулердің бірінші кезеңі өтті, клиникалық зерттеулердің екінші кезеңі адамдарға болды. Бұл зерттеулерді біз жүргізген жоқпыз, біз тек зерттеу барысын бақыладық. Клиникалық зерттеулерді зерттеушілер мен дәрігерлер жүргізеді. Біз оларға зерттеу хаттамасын береміз. Соған сәйкес олар зерттеу жүргізеді. Біз олардың пікірін теріс немесе жағымды жаққа бұра алмаймыз. Олар вакцина туралы бейтарап қорытынды жасайды", - деді ғалым.

Лесбек Құтымбетов қауымдастық тұжырымдарымен келіспейтінін атап өтті.

"Бізді сынағаны дұрыс та шығар, сынсыз болмайды. Біз бұл сынды қабылдаймыз және нақтылауға тырысамыз. Біз бұл қауымдастықтың вакцина препараттарын әзірлеу саласында қаншалықты мамандандырылғанын білмейміз. Вакциналарды жасау үшін белгілі бір тапсырмалар мен тәжірибе қажет. Біз олармен келісе алмаймыз.

Мұнда сұрақ нақты формальдегид туралы болып отыр. Олар формальдегид вакцинаның иммуногенділігіне зиянды әсер ететіні туралы ақпаратты қайдан алғанын білмейміз. Иә, шынымен де, формальдегидті вакцинаға салып, бірнеше күн күтсе, әрине, вакцина белгілі бір қасиеттерін жоғалтуы мүмкін. Бірақ орасан тәжірибеге ие бола отырып, қателіктерге жол беру мүмкін емес", - деді Құтымбетов.

Ол формальдегид өте аз мөлшерде қолданылатынын түсіндірді. Осылайша, вирустың әсерін жою және оның биологиялық қасиеттері бақыланады.

"Біз осы патогеннің иммуногенділігіне жауап беретін антигенді сақтаудың нақты координаттары мен инактивациясы туралы мәліметтерді анықтағаннан кейін ғана вакциналарды дайындаймыз. Формальдегид зиян, канцероген дейді, иә, біз келісеміз, кез келген химиялық зат зиян. Ол органикалық заттарға теріс әсер етеді. Бірақ біз оның әсерін жойғаннан кейін толығымен бейтараптандырамыз. Яғни, бұл биомассада формальдегид қалмады десе болады", - деді ол.

Бұған дейін Medsupportkz қауымдастығының ғалымдары мен дәрігерлері коронавирусқа қарсы қазақстандық вакцинаны алуға кеңес бере алмайтынын мәлімдеген болатын.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!



Join Telegram