Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Ресей Қазақстанға 5 дана С-300 зениттік зымыран кешенін берді

02 Тамыз 2016, 16:10
0
© wartelegraph.ru
© wartelegraph.ru

Ресей Қазақстанға 5 дана С-300 зениттік зымыран кешенін берді, - деп хабарлайды Tengrinews.kz тілшісі ҚР Қорғаныс министрлігінің баспасөз қызметіне сілтеме жасап. 

"Ресей Федерациясымен әскери-техникалық ынтымақтастық шеңберінде Қазақстан мен Ресей президенттерінің уағдаластығы негізінде біздің тарапқа 5 дана С-300 зениттік зымыран кешені берілді. Одан басқа, ресей тарапы осы кешендерге 170-тен аса зениттік зымырандарды тапсыру жөніндегі мемлекетішілік процедураны ресімдеуді аяқтауда", - делінген хабарламада. 

Сейсенбі, 2 тамыз күні Қазақстан Республикасының Қорғаныс министрі Иманғали Тасмағамбетов пен Ресейдің Қорғаныс министрі Сергей Шойгудың арасында келіссөз өткізгені айтылады. Келіссөз барысында тараптар жақын арадағы болашақта өзара іс-қимыл мәселелерін, сондай-ақ, екіжақты әскери және әскери-техникалық ынтымақтастықтың оң серпінін атап өтіп, қорғаныс саласындағы бірқатар мәселелерді талқылады.


© ҚР Қорғаныс министрлігінің баспасөз қызметі

ҰҚШҰ шеңберінде мүше мемлекеттер арасында әскери мақсаттағы өнімді транзиттеу және әскери тасымалдауларды жүзеге асыру тәртібін жеңілдетуге мүмкіндік беретін мемлекетаралық келісім жасасу бойынша мәселе қаралды.

Мұндай келіссөздердің маңызды нәтижелері ретінде ҚР мен РФ қорғаныс ведомстволарының торапты бірлесіп пайдалануға көшуді, қазақстандық мамандарды оқыту және бұдан бұрын ресей тарапымен пайдаланылған жер телімінің шекараларын қысқартуды көздейтін зымыранның шабуылы туралы алдын алу жүйесінде Балқаш торабын тапсыру және пайдаланудың жаңа шарттарын айқындау туралы келісімнің бекітілуін ойдағыдай деп атап өтуге болады.


© ҚР Қорғаныс министрлігінің баспасөз қызметі

"Әскери-техникалық ынтымақтастық саласында біздің әрі қарайғы жұмысымыздың жаңа шеңберін, жаңа шекарасын ашатын келісімге қол қойдық", - деп Иманғали Тасмағамбетов Ресей қорғаныс ведомствосының басшысымен келіссөзден кейін хабарлады.

Өткен жылдан бастап әскери-техникалық ынтымақтастық туралы қазақстандық-ресейлік шарт қолданысқа енгізілгенін айта кеткен жөн. Аталған шарттың тетігі Қарулы Күштерімізге ресейлік армиясына секілді құны мен жинақталуы бойынша бірқатар заманауи қару-жарақтың жеткізілуіне мүмкіндік берді. Бұл Су-30СМ жойғыштары, Ми-171Ш пен Ми-35 әскери-көліктік және жауынгерлік тікұшақтары, радиотехникалық барлау және мониторингілеу құралдары, сондай-ақ, өзге де қару-жарақ.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай