+7 (777) 001 44 99
ПОДЕЛИТЬСЯ
Рудный тау-кен және технологиялық колледжінің студенттері асханада ішкен түскі астан кейін жаппай ауруханаға жатқызылды, - деп хабарлайды Tengrinews.kz тілшісі.
Рудный тау-кен және технологиялық колледжінің студенттері асханада ішкен түскі астан кейін жаппай ауруханаға жатқызылды, - деп хабарлайды Tengrinews.kz тілшісі.
Рудный тау-кен технологиялық колледжінде студенттер жаппай уланды. Жергілікті асханада түскі ас ішкен 70-тен аса студент жүрегі айнып, құсқысы келгеніне шағымданып қаланың медицина мекемелеріне жүгінген.
"Мәзірде сорпа, салат және компот болды. Студенттер тағамның дәмді болғанын айтты. Түскі ішкеннен кейін 3-4 сағат өткен соң жүректері айнып, ішектері ауыра бастаған. Бұл асханадан барлық балалар тегін тамақтанады. Колледжге азық-түлкі жеткізушілер тек 29 наурыздан бастап жұмыс істеп жатыр, осыған дейін оларға ешқандай шағым түскен жоқ", - дейді колледж директоры Қайсар Қанешов.
Колледж асханасы орналасқан екі қабатты ғимарат қазір жабық. Кеше асханадан барлығы 100-ден астам оқушы тамақтанған. Медициналық көмекке 35 адам жүгінді, оның 14-і ауруханаға жатқызылған.
""Жедел гастроэнтерит" диагнозымен 14 адам ауруханаға жатқызылды, қалғандарына амбулаториялық емдеу тағайындалды. Рудный қаласының полиция басқармасымен қозғалған қылмыстық іс аясында Қостанай облысының санитарлық-эпидемиологиялық бақылау департаменті аумақтық санитарлық-эпидемиологиялық бақылау басқармасымен бірлесіп, жеке тұлға S_SALTA ЖШС жалға алған "Рудный тау-кен технологиялық колледжі" КМҚК асханасын жоспардан тыс тексеруді бастады", - деп хабарлады санитария дәрігер.
Мамандар зертханалық зерттеулер үшін өнімнің, судың, шайындылардың сынамаларын алды және асхана қызметкерлерін тексерді, зерттеу нәтижелері әлі шыққан жоқ. Студенттердің жағдайы орташа ауыр деп бағаланады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
