+7 (777) 001 44 99
ПОДЕЛИТЬСЯ
"Сәтті Жұлдыз" лотереясын ұйымдастырушылар 24 миллион теңге ұтып алған қарағандылықты осымен үшінші күн іздеп жатыр, - деп хабарлайды Tengrinews.kz тілшісі.
"Сәтті Жұлдыз" лотереясын ұйымдастырушылар 24 миллион теңге ұтып алған қарағандылықты осымен үшінші күн іздеп жатыр, - деп хабарлайды Tengrinews.kz тілшісі.
Loto 6/49 ойынының арнайы тиражындағы мультимиллионер 21 қарашада анықталған болатын. Ұтыс сомасы - 24 564 426 теңге. Ұтыс "5 сан және бонус шары" санатында шықты. Миллионер сату нүктесінде қарасын әлі көрсетпеді. Жеңімпаздың Қарағанды қаласында Степной 4 шағынауданындағы "Алмаз" дүкенінде ұтыс тіккені белгілі болып отыр. Жеңімпаз әлі табылған жоқ.
Ұйымдастырушылар жеңімпаздан 8 800 080 520 нөмірі бойынша call-орталыққа хабарласуын сұрайды.
Сәтті билет сатқан сатушы да ұтыстан құр алақан емес. Ол "Сәтті Жұлдыздан" ұтыстың 1 пайызы көлемінде, яғни, 240 000 теңгені сүйінші ретінде алмақ.
Айта кетейік, Loto 6/49 ойыны 2018 жылдың 21 наурызында алғаш рет көрерменге жол тартты. Бұл лотерея әр сәрсенбі сайын өтеді. Қазіргі таңда "Сәтті Жұлдыз" лотереясы қазақстандықтарға 1 миллиардқа жуық ұтыс ақшасын төледі.
