1. Басты
  2. Біл
  3. Жаңалықтар
  4. Ел жаңалықтары

Шабуылдағандардың 13-і өлтірілді, сегізі ұсталды және жетеуі іздеуде жүр - ҚР ІІМ

Ақтөбедегі полиция. © Tengrinews.kz Ақтөбедегі полиция. © Tengrinews.kz

Ақтөбеде 13 қылмыскердің көзі жойылды. ҚР ІІМ өкілдері жаңа мәліметтерді келтірді, - деп хабарлайды Tengrinews.kz тішісі.

"Бүгінге дейін шабуылдағандардың ішінде 13 қылмыскер өлтірілді, төртеуі жарақат алған, жетеуі іздеуде", - деп мәлімдеді ҚР ІІМ ресми өкілі Алмас Сәдубаев телефон арқылы.

Оның айтуынша, қазіргі уақытта қалған қылмыскерлерді табу бойынша барлық шара қабылданып жатыр. 

"Шамамен сегіз адам ұсталды, олардың шабуылға қатысы бар-жоғы тексеріліп жатыр. Жеке құрам түгелдей күшейтілген режимде қызмет атқарып жатыр. Ақтөбеде түн тыныш болды. Қалада және республика бойынша жағдай бақылауда", - деді Сәдубаев.

Биыл 5 маусымда Ақтөбеде теракт болған еді, оның салдарынан ондаған адам қаза тапты. Қазақстанда террорлық қауіптің сары деңгейі, ал Ақтөбеде қызыл деңгейі енгізілді.