+7 (777) 001 44 99
ПОДЕЛИТЬСЯ
Санитарлық дәрігерлер Алматы көшелерінде егеуқұйрықтардың қаптап жүруіне байланысты мәлімдеме жасады, - деп хабарлайды Tengrinews.kz тілшісі.
Санитарлық дәрігерлер Алматы көшелерінде егеуқұйрықтардың қаптап жүруіне байланысты мәлімдеме жасады, - деп хабарлайды Tengrinews.kz тілшісі.
Олардың ойынша, кеміргіштердің ашық алаңдарда жүруінің себебі қоқыс жәшіктерінен дер уақытында қалдықтардың тазаланбауы. Осыған дейін әлеуметтік желіде күндізгі уақытта Алматы көшелерінде егеуқұйрықтардың қаптап жүрген видеосы жарияланған болатын. Кеміргіштер Алматының Бостандық ауданындағы Кихтенко және Жароков - Байқадамов көшелерінде байқалған.
ҚР БҒМ Тұтынушылардың құқықтарын қорғау Комитетінің Алматы қалалық департаменті басшысының орынбасары Қарлығаш Әбдіжаппарованың айтуынша, егеуқұйрықтардың толығымен көзін жою мүмкін емес, алайда дератизация жұмыстары олардың санын азайтады. Жұмыстар нәтижесінде Алматыда қазіргі уақытта тышқандар саны аз. Ведомство мәліметінше, егеуқұйрықтардың негізгі бөлігі жаппай дератизация кезінде көзі жойылған. Күзгі улау кезінде 35 мың гектар жер қамтылып, оның ішінде ашық жерлерде аулалар мен тұрғын үй секторында жұмыстар істелді.
Бостандық ауданында түнгі мезгілде жүретін егеуқұйрықтардың күндізгі уақытта жүруі Әбдіжаппарованы еш таңдандырмайды. "Видеода қоқыс жәшігінің маңында жүрген егеуқұйрықтар тамақ қалдықтары үшін өз індерінен шыққан", - деді департамент басшысының орынбасары.
