Шымкент әкімі Ғабидолла Әбдірахымовтың қызметтен кететіні жайлы хабар жалған

17 Қаңтар 2017, 17:29
0
Шымкент әкімі Ғабидолла Әбдірахымовтың қызметтен кететіні жайлы хабар жалған - © flickr.com
© flickr.com

Шымкент қаласының әкімі Ғабидолла Әбдірахымов қызметінен кетпейді. Қалалық әкімдіктің баспасөз қызметіндегілер бірнеше ақпарат құралында жарияланған мәліметті жоққа шығарды, - деп хабарлайды Tengrinews.kz тілшісі.

Бірнеше БАҚ-та Әбдірахымовтың қызметтен кетуі мүмкін екені жазылған болатын.

"Ғабидолла Әбдірахымов қызметін жалғастырып жатыр. Ол 12 күн еңбек демалысында болды, жақында ғана жұмысқа кірісті. Бүгін қала басшысы облыс көлемінде өткізілген іс-шараға қатысты. Қалалық жедел жәрдем станциясына 30 жаңа арнайы көлік берілді", - деді қалалық әкімдіктегілер.

Сондай-ақ, облыстық әкімдіктегілер де Tengrinews.kz тілшісіне осыған байланысты пікір білдірді. Облыс әкімдігіндегілер бұл хабарды жалған деп атады.

Еске сала кетейік, Әбдірахымов Шымкенттің әкімі қызметіне 2015 жылдың 19 тамызында тағайындалған болатын.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай