Шымкент қаласының тұрғындарына әкімшілік үндеу жолдады, - деп хабарлайды Tengrinews.kz тілшісі.
Шымкент қаласының тұрғындарына әкімшілік үндеу жолдады, - деп хабарлайды Tengrinews.kz тілшісі.
Нұр-Сұлтан және Алматы қалаларында COVID-19 таралуының күрделі жағдайын ескере отырып, сондай-ақ Қазақстанның басқа қалаларына коронавирустың таралуының алдын алу мақсатында Мемлекеттік комиссия Нұр-Сұлтан және Алматы қалаларында қосымша шектеу, алдын алу және эпидемияға қарсы шараларды енгізу туралы шешім қабылдады.
Елорда мен Алматы аумағында 2020 жылғы 19 наурызда сағат 00:00-ден бастап карантин режимі енгізілді.
Екі қалада карантин енгізілуіне байланысты кіріп-шығуға тыйым салынған.
Осыған орай, Шымкент қаласының әкімдігі тұрғындарды Нұр-Сұлтан мен Алматы қалаларына сапарға шықпауға, және ағайын-туыстарыңызға, таныстарыңызға хабарламаны жеткізуге өтініш білдіруде.
Сондай-ақ, аталған қалаларда азаматтардың қауіпсіздігін қамтамасыз ету мақсатында бақылау күшейтіліп, қосымша шектеулер енгізілген.
Атап айтқанда:
- Қалааралық автобустардың қозғалысына тыйым салынған;
- Екі қаланың аумағына кіре берістерде, шығуларда шектеу енгізілген;
- Кіреберістерде/шығуларда коронавирусқа күдікті адамдарды анықтау бойынша қосымша мобильді пункттер орнатылған;
- Медициналық тексеруден және емдеуден, карантиндік режимді сақтаудан жалтарған; эпидемиологиялық жағдайды анықтау үшін маңызы бар деректерді жасыратын адамдарды бақылау күшейтілген;
- Нұр-Сұлтан мен Алматы қалаларына кіреберістерде блок бекеттері орнатылып, тексеру күшейтілген;
Сіздердің қауіпсіздіктеріңіз, елдің қауіпсіздігі! - деген үндеуді есте сақтауды қала әкімдігі сұрайды.
Қазақстан жаңалықтары. Соңғы жаңалықтар. Telegram желісінде бізге жазыл!
