Шымкентте шаяндар белсенділігі арта түсті

Дина Шарипханова Корреспондент

Шымкентте шаяндардың белсенділігі арта түсті, - деп хабарлайды Tengrinews.kz тілшісі otyrar.kz сайтына сілтеме жасап.

Қала тұрғыны үйінен шаян тауып алған.

"Мен кешкі ас әзірлеп жатыр едім, қағаз пакеттегі картоп қалдықтарын раковинаға төктім, ал мына жәндік картоптан құлап түсті. Оны мына пластик ыдысқа ұстап алғанымша, қорқып, есімнен танып қала жаздадым", - дейді тұрғын.

Дәрігерлер балалар мен қарт адамдарды шаян шаққан болса, дереу көмекке жүгіну керек екенін ескертеді. Шаққан кезде көбінесе тахикардия, аритмия, гипертония және миокардит өршігені байқалады.

Сондай-ақ, жәбірленуші қозу немесе мазасыздықты сезеді немесе керісінше, қозғалыстар және жалпы жағдай тежелуі мүмкін.