Синоптиктер демалыс күндері ауа райының қандай болатынын айтты

13 Қараша 2015, 13:25
0
Синоптиктер демалыс күндері ауа райының қандай болатынын айтты - © midgard.ws
© midgard.ws

Алдағы демалыс күндері еліміздің ауа райына циклон айтарлықтай ықпал етеді, - деп хабарлайды Tengrinews.kz тілшісі "Қазгидромет" кәсіпорнына сілтеме жасап. Синоптиктер 14-16 қарашаға арналған ауа райы болжамын жариялады.

Синоптиктердің мәліметінше, Қазақстан аумағы арқылы өтетін циклон мен атмосфералық фронттар барлық облысқа жауын-шашын әкеледі. Солтүстік пен шығыста қар жауып, кей жерлерде боран соғады, сонымен қатар, көктайғақ болады деген болжам бар.

"Республиканың оңтүстігінде жаңбыр жауып, қарға ұласады. Ал солтүстік пен солтүстік-шығыс аудандарының ауа райына орталығы Батыс Сібірдегі антициклон ықпал етеді. Сондықтан, бұл өңірде түнде 15-20 градусқа дейін суық болады, ол климаттық нормадан 4-8 градусқа төмен", - деп хабарлады синоптиктер.

Айта кетейік, еліміздің қалған өңірінде ауа температурасы климаттық норма шамасында немесе 1-3 градусқа жоғары болады.

Еске сала кетейік, бұған дейін синоптиктер қараша айында ауа райының қандай болатынын айтты. Болжам бойынша, күздің соңғы айы қарашада ауа райы жауын-шашынды болады, жел күшейіп, тұман түсіп, көктайғақ күтіледі.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай