1. Басты
  2. Біл
  3. Жаңалықтар
  4. Ел жаңалықтары

Синоптиктер көктайғаққа байланысты Астанада ескерту жариялады

© 112-pyat.ru © 112-pyat.ru

Синоптиктер көктайғаққа байланысты Астанада ескерту жариялады, - деп хабарлайды Tengrinews.kz тілшісі "Қазгидромет" кәсіпорнына сілтеме жасап.

Синоптиктердің мәліметінше, Астанада 22 қазанда бұрқасын мен көктайғақ болады. Сонымен қатар, оңтүстік-батыстан соғатын жел солтүстік-батысқа ауысып, жылдамдығы секундына 15-20 метрге дейін жетеді.

Еске сала кетейік, бұған дейін синоптиктер алдағы қысқа болжам жасап, көліктердің жаз маусымына арналған дөңгелектерін қысқыға қай кезде ауыстыру керегін айтты. "Қазір мына сұрақ жиі қойылып жүр: "дөңгелекті қай кезде ауыстыру керек?" Біз дөңгелектерді қазанның соңында ауыстыруға кеңес береміз. Қазір емес. Себебі келесі аптада ауа температурасы көтеріледі деп болжап отырмыз. Ал көктайғақ келесі аптадан басталады, тіпті осы демалыс күндері басталуы мүмкін, себебі түнгі ауа температурасы сәл төмендеді. Егер қар жауса, көктайғақтың болуы әбден мүмкін", - деді Қазгидромет директоры Баян Сазанова.