"СҚ-Фармация" басқарма төрағасы Ерхат Есқалиев қанша жалақы алатынын айтты, - деп хабарлайды Tengrinews.kz тілшісі "Хабар 24" арнасына сілтеме жасап.
Есқалиев айына миллион 300 мың теңге, орынбасары 900 мың теңге, басқарушысы 450-ден 650 мың теңгеге дейін еңбекақы алады. Оның айтуынша, үш басқарушысы және бір орынбасары бар.
Сондай-ақ спикер коронавирустың екінші толқынына дайындық туралы айтты. Қоймада екі айға жететін дәрі жиналған. Олар шамамен 60 мың науқасты емдеуге жетеді.
Бұған дейін "СҚ-Фармацияның" баспасөз қызметіндегілер компанияның штаттық кестесінде салықтарды есептемегенде мынадай жалақы қарастырылғанын айтқан:
- менеджер - 200 000 теңгеден бастап;
- бас менеджер - 350 000 теңгеден бастап;
- әкімшілік-басқару персоналы - 450 000 теңгеден бастап;
- басқарма төрағасын қосқанда, басқарма мүшелері - 750 000 теңгеден бастап.
Қазақстан жаңалықтары. Соңғы жаңалықтар. Telegram желісінде бізге жазыл!
