1. Басты
  2. Біл
  3. Жаңалықтар
  4. Ел жаңалықтары

СҚО-да ірі зауыт аукционға шығарылады 21 ақпан 2021, 12:51

Солтүстік Қазақстан облысындағы ірі зауыт жекешелендіруге шығарылды. Наурызда "Петропавл ауыр машина жасау зауыты" АҚ-ны (ПАМЗ - еск.) ҚР режимдік
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек

Солтүстік Қазақстан облысындағы ірі зауыт жекешелендіруге шығарылды. Наурызда "Петропавл ауыр машина жасау зауыты" АҚ-ны (ПАМЗ - еск.) ҚР режимдік объектілерінің тізбесінен алып тастау жолымен құпиялылық режимін алып тастау, ал шілдеде сатып алу-сату шартына қол қою жоспарланған. Онымен бірге аукционға "Мұнаймаш" АҚ зауыты шығарылады, - деп хабарлайды Tengrinews.kz тілшісі Петропавловск.news-ке сілтеме жасап.

ПАМЗ кеңес заманында Петропавлдағы ең ірі кәсіпорын болды, онда 12 мыңға жуық адам жұмыс істеді. Бұл - өз үйі, балабақшалары, мектептері, жатақханалары, жеке баспаханасынан шығатын жеке газеті бар қаладағы шағын қала.

Қазір "Қазақстан Инжиниринг" мемлекеттік корпорациясына тиесілі "ПАМЗ" АҚ-да 600-ге жуық адам еңбек етеді. Мұнай-газ, химия секторының барлық жабдығы, жылыту қазандықтары және басқа құралдар өндіріледі. Зауыт бірнеше жылдан бері тапсырыстарды орындай алмай келеді. Бірнеше миллиард инвестиция мен қайта жабдықтау айтарлықтай көмектеспеген.

Бүгінде зауыт көп салық төлемейді. 2020 жылы ПАМЗ шамамен 530 миллион теңге салық төледі. Биыл оны жекешелендіру жоспарланып отыр.

Ақпан-наурызда кәсіпорын бағаланады, содан кейін зауыт режимдік объектілер тізімінен шығарылады, мамыр-маусымда "ПАМЗ" АҚ аукционға сатуға қойылады. Жол картасы 2021 жылдың шілдесінде кәсіпорынды түпкілікті сатуды көздейді.

"Мұнаймаш" АҚ кеңес жылдарында өндіріс көлемі бойынша ПАМЗ-бен салыстыруға келмейтін. Бірақ 1941 жылы Петропавлға көшіп келген және жарты ғасыр бойы ауыл шаруашылығы машиналарына арналған бөлшектер мен тораптарды, мұнай химиясына арналған аспаптарды, сағат механизмдерін, радиоқұрылғыларды, халық тұтынатын тауарларды шығарған қаланың базалық зауыттарының бірі болды. Қазір зауытта 150-ге жуық адам жұмыс істейді. Дегенмен, кәсіпорын көрсеткіштері жақсы және 2020 жылы 656 миллион теңге салық төледі. Олар оны ұқсас схема бойынша жекешелендірмек: 1 сәуірде кәсіпорынды бағалау басталады, ал 30 шілдеде ол сатылуы керек.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!