Солтүстік Қазақстанның Қарабек көлінде балық қырылып жатыр. Мамандардың есебінше, бүгінде шамамен 500 келіге жуық мөңке балығының өлексеcі судан шығарылған, - деп хабарлайды Almaty.tv.
Телеарна мәліметінше, адамдар балықтың қырылуына моншаның жұмысы себеп болуы мүмкін деп санайды. Алайда ол әлі нақты белгісіз. Бүгінде ветеринарлық қызмет пен экологтар су мен өлген балықтың сынамасын алып, зертханалық сараптамаға жіберген.
"Бүгінде балықтың не себептен қырылғанын нақты айтуға қиын. Өлген балықтың нақты санын да айту қиынға соғып отыр. Себебі бұл өзен емес, бұл көл. Жексенбі күні балықтың қырылып жатқанын білген соң, бірден сол жерге барып, жұмысшылармен өлген балықты жинадық. Бұл жұмыстар әлі де жалғасып жатыр", - деді Бескөл ауылдық округі әкімінің міндетін атқарушы Мәулен Қасымғожин.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
