Сочиде Қазақстан Президенті Нұрсұлтан Назарбаевтың Ресей және Беларусь басшыларымен бейресми үш жақты кездесуі өтті, - деп хабарлайды Tengrinews.kz тілшісі Кремльдің баспасөз қызметіне сілтеме жасап.
"Владимир Пудин Сочидегі "Бочаров Ручей" резиденциясында Беларусь Президенті Александр Лукашенко мен Қазақстан Президенті Нұрсұлтан Назарбаевты қабылдады", - деп жазылған хабарламада.
Ал Беларусь лидерінің ресми сайтында үш ел басшыларының ЕАЭО мәселелері мен халықаралық проблемаларды талқылағаны жазылды.
Еске сала кетейік, Назарбаев, Путин және Лукашенко 16 қыркүйекте өтетін Қазақстан мен Ресейдің XII өңіраралық ынтымақтастық форумына қатысу үшін Сочиге келді. 18 қыркүйекте Ресей мен Беларусь елдерінің форумы өтеді.
