Солтүстік Қазақстан облысында ауа райының қолайсыздығына байланысты ескерту жарияланды, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.
17 сәуірде Солтүстік Қазақстан облысында кей жерлерде көктайғақ, тұман болады. Солтүстіктен, солтүстік-батыстан жел соғады түнде кей жерлерде күші секундына 15-20 метр, күндіз күші 15-20, кей жерлерде екпіні секундына 23-28 метр күтіледі.
Петропавл қаласында күндіз 17 сәуірде көктайғақ болады. Солтүстіктен, солтүстік-батыстан жел соғады, күші 15-20, күндіз екпіні секундына 25 метр күтіледі.
"Есіл өзені - Петропавл қаласы гидрологиялық бекетінде су деңгейінің көтерілуі жалғасуда. Судың қауіпті деңгейінің көтерілуі күтіледі. 12:00 сағаттағы нақты деңгей - 929 сантиметр; Қауіпті деңгей - 940 сантиметр (өзен алқаптарына шығу). Қауіпті деңгей - 960 сантиметр (судың халықаралық маңызы бар 528 шақырым Челябі - Новосібір автожолы асфальтына шығуы)", - делінген хабарламада.
