Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Су-27 апаты: Ұшқыштардың аналарына награда табыс етілді

20 Желтоқсан 2014, 15:20
0
©ҚР ҚМ баспасөз қызметі
©ҚР ҚМ баспасөз қызметі
Риза Бекенқызы мен Татьяна Александровна. ©ҚР ҚМ баспасөз қызметі
Риза Бекенқызы мен Татьяна Александровна. ©ҚР ҚМ баспасөз қызметі
 ІІ дәрежелі "Айбын" ордені. ©ҚР ҚМ баспасөз қызметі
ІІ дәрежелі "Айбын" ордені. ©ҚР ҚМ баспасөз қызметі
Марқұм ұшқыштардың аналары Қорғаныс министрлігі басшыларымен бірге. ©ҚР ҚМ баспасөз қызметі
Марқұм ұшқыштардың аналары Қорғаныс министрлігі басшыларымен бірге. ©ҚР ҚМ баспасөз қызметі

Алматы облысында Су-27 апаты кезінде ерлік көрсеткен қос ұшқыштың аналарына ұлдарының наградалары табыс етілді, - деп хабарлайды Тengrinews.kz тілшісі ҚР Қорғаныс министрлігінің баспасөз қызметіне сілтеме жасап. 

ҚР Қорғаныс министрі Иманғали Тасмағамбетов апатқа ұшыраған Су-27 жойғыш ұшағы экипажының туыстарымен кездесті. Бұл оқиға Алматы облысындағы Жаңалық ауылының маңында 2014 жылдың 23 қыркүйегінде болған еді. Подполковник Ерлан Науанов пен подполковник Денис Горбунов ұшақты елді мекеннен аулаққа алып кетуге бар мүмкіндікті жасаған болатын.

"Мемлекет басшысының Жарлығымен жауынгерлік және қызметтік борышын орындау кезінде көрсеткен ерлігі мен жанқиярлығы үшін подполковниктер Ерлан Науанов пен Денис Горбунов қаза тапқаннан кейін ІІ дәрежелі "Айбын" орденімен наградталды", - деген министр "осындай ержүрек офицерлер халықтың мақтанышы екенін, мемлекеттің даңқы мен қуатын осындай адамдар көтеретінін" атап өтті.

Министр наградаларды Ерлан Науановтың анасы Риза Бекенқызы мен Денис Горбуновтың анасы Татьяна Александровнаға табыс етті. "Сіздердің ұлдарыңыз біздің есімізде Отанға қызмет ету мен әскери қызмет атқарудың үлгісін көрсеткен ержүрек офицер және нағыз командир ретінде мәңгі сақталады", - деді Тасмағамбетов.

Еске сала кетейік, әскери ұшақ Алматы облысындағы оқу-жаттығу ұшулары кезінде апатқа ұшыраған еді. Марқұмдар әскери сый-құрметтерімен жер қойнына тапсырылды. Денис Горбуновтың жаназасы туған өңірі - Қостанайда, Ерлан Науановтың жаназасы Талдықорғанда шығарылды. 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай