Шымкент тұрғындары қыз мүсініне киім жапты, - деп хабарлайды Otyrar.kz. Шымкентте қыс мезгілі қатты суық болмаса да, жергілікті тұрғындар мүсінді "жылыту" мақсатында киіндіріп қойған.
"Шымкенттік қызды мейірімді адамдар киіндіріп қойды. Тәуке хан даңғылы мен Қазыбек би көшесінің қиылысында орналасқан Кең баба орталығында орналасқан сүйкімді мүсінде, қыз бала колонкада аяғын суға жуып тұрғаны бейнеленген. Ол енді жаурамайды. Мейірімді адамдар қызға жемпір сыйға тартты. Кішкентай қызға жемпір үлкен болса да, есесіне ол жаурамайтын болады...", - деп жазады басылым.
