Талапкер ҰБТ-ға смартфон мен модемді кекске тығып алып өтпек болған. Бұл туралы Ұлттық тестілеу орталығының директоры Руслан Емелбаев Instagram парақшасында айтты, - деп хабарлайды Tengrinews.kz тілшісі.
"Модем мен ұялы телефоннан жасалған тәтті десерт. Шығармашыл тест тапсырушылар таңғалдырудан шаршамайды. Мына фотода торт ішіне тыйым салынған заттарды жасырған талапкердің шығармашылық жұмысы көрсетілген", - деп жазды Емелбаев.
Оның айтуынша, талапкердің жоспары "қырағы бақылаушылардың арқасында" жүзеге аспаған. Ол ҰБТ ережелерін бұзғаны үшін 0 балл алған.
"Құрметті тест тапсырушылар! Смартфонға емес, тек өз біліміңізге сеніңіздер", - деді орталық басшысы.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
