Талдықорғанда ашынған аналар алтын алқадан бас тартты

22 Қараша 2018, 09:17
0
Талдықорғанда ашынған аналар алтын алқадан бас тартты - Видеодан алынған кадр
Видеодан алынған кадр

Алматы облысында аналар алтын алқаларынан бас тартты, - деп хабарлайды Tengrinews.kz тілшісі КТК телеарнасына сілтеме жасап.

Телеарнадағылардың мәліметінше, марапаттың орнына баспана даулаған әйелдерді әкіммен кездесуге шақырып алған қоғамдық ұйым басшылары күтпеген жерден олардың өздерін жерден алып жерге салған. Кейбірінің некесіз бала тапқанын бетіне басқан. Осылайша, басшылар алтын алқа иегерлеріне арналған мемлекеттік бағдарлама жоқ деп айтқан.

Сол күні жиынның соңы жанжалға ұласқан.

"Көп отбасылы аналарға үй салу жайында қарап көреміз. Ал бүгінгі күні менің сіздерге беретін 150 шаршы метрлік үйім жоқ", - деген Талдықорған әкімі Дастан Шалтабаев.

Телеарнадағылардың мәліметінше, дегенмен көпбалалы отбасыларға үй табылмаған Талдықорғанда баспана бағдарламасы жүзеге асырылып жатыр екен. Бірақ тек әкімнің қарамағындағыларға ғана беріліп жатқан делінеді.

"Бұндай құрметтің керегі жоқ. Сайтында 130-шы боп тұрмын. Ал ХҚКО-ға барам 258-ші боп тұрсың дейді. Кейін өз қолдарымен түзеп берді", - дейді көпбалалы аналардың бірі Айнагүл Тоқпанбетова.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай