+7 (777) 001 44 99
Қазақша
Русский
English
07 наурыз 2019 | 09:37
Таразда полицейлер Қытай азаматтарының заңсыз көші-қонын ұйымдастырған
Жамбыл облысында ҚХР-дан Қазақстанға заңсыз көші-қонын ұйымдастырған полицейлер сотталды, - деп хабарлайды Tengrinews.kz тілшісі ҚР ҰҚК Баспасөз қызметіне сілтеме жасап.
ПОДЕЛИТЬСЯ
Жамбыл облысында ҚХР-дан Қазақстанға заңсыз көші-қонын ұйымдастырған полицейлер сотталды, - деп хабарлайды Tengrinews.kz тілшісі ҚР ҰҚК Баспасөз қызметіне сілтеме жасап.
"Қазақстан Республикасының Ұлттық қауіпсіздік комитеті Жамбыл облысының аумағында ұзақ уақыт бойы қытайлық азаматтардың заңсыз көші-қонын ұйымдастырумен айналысқан адамдар тобының заңға қайшы әрекетінің жолын кесті. ҚХР-дан мигранттардың заңсыз арнасын Тараз қалалық көші-қон полициясы бөлімінің қызметкерлері ұйымдастырған. Атап айтқанда, бұрынғы басшысы А. Зейдалиев және оның орынбасары Б. Наурызбаев, олар сондай-ақ ҚХР-дан шыққан У. Силамбекпен "делдал" ретінде сыбайласқан", - делінген хабарламада.
Сондай-ақ, бұл адамдар тобының жалған құжаттарды қолданып, Жамбыл облысында ҚХР-дың 170-тен аса азаматын оларға Қазақстанда кедергісіз тұру үшін тиісті құқық беретін құжаттар бергені айтылады.
2019 жылғы 5 наурызда Тараз қалалық № 2 қалалық сотында осы қылмыстық іс бойынша үкім шығарылды.
"А. Зейдалиев ҚР ҚК мынадай баптары: 361 4.4 З-т. ("Ауыр салдарларға әкеп соққан лауазымдық уәкілеттілікті теріс пайдалану"), 394 4.2 ("Адамдар тобының алдын ала сөз байласып заңсыз көші-қон ұйымдастыруы") бойынша кінәлі деп танылып, 4 жыл 6 айға орташа қауіпсіздіктегі түзеу мекемесінде жазасын өтеумен бас бостандығынан айырылды", - делінген ҰҚК хабарламасында.
Наурызбаев ҚР ҚК 361-бабы 4-бөлімі З-т, 394-бабы 2-бөлімі бойынша кінәлі деп танылып, 3 жыл 6 айға орташа қауіпсіздіктегі түзеу мекмесінде жазасын өтеумен бас бостандығынан айырылды. Силамбек ҚР ҚК 394-бабы 2-бөлімі бойынша кінәлі деп танылып, 4 жылға орташа қауіпсіздіктегі түзеу мекмесінде жазасын өтеумен бас бостандығынан айырылды. Сотталған Б. Наурызбаев пен У. Силамбек үкім жарияланғаннан кейін сот залында қамауға алынды. А. Зейдалиевке қатысты бұрын "қамау" шарасы қолданылған болатын.
Қазіргі уақытта ҚХР азаматтарына берілген оларға ҚР аумағында тұруға құқық беретін ресми құжаттардың күшін жою туралы мәселе шешіліп жатыр.
Показать комментарии
Читайте также
