Мемлекет басшысы Қасым-Жомарт Тоқаев БАҚ саласындағы сыйлықтар, гранттар беру және Президент алғысын жариялау туралы жарлыққа қол қойды, - деп хабарлайды Tengrinews.kz тілшісі Ақорда сайтына сілтеме жасап. Марапатталғандар қатарында Tengrinews.kz тілшісі Рабиға Дүйсенғұлова да бар.
Мемлекет басшысының 2023 жылғы 27 маусымдағы өкімі бойынша: Қазақстан Республикасы Президентінің бұқаралық ақпарат құралдары саласындағы сыйлықтары:
- "31 арна" телеарнасының тілшісі Әлімжанова Ирина Советжанқызына;
- "Оңтүстік Қазақстан" газетінің бас редакторы Балажан Абайға;
- "Казахстанская правда" газетінің тілшісі Вологодская Галина Юрьевнаға берілді.
Қазақстан Республикасы Президентінің бұқаралық ақпарат құралдары саласындағы гранттары:
- "Orda. kz" ақпарат порталының тілшісі Астахов Илья Дмитриевичке;
- "Хабар 24" телеарнасының тілшісі Балтабаев Әділ Серікұлына;
- "Tengrinews. kz" ақпарат порталының тілшісі Дүйсенғұлова Рабиға Табиғатқызына;
- "Qazaqstan" телеарнасы ақпараттық-сараптамалық дирекциясы директорының орынбасары Омаш Саламатқа тапсырылды.
Қазақстан Республикасы Президентінің бұқаралық ақпарат құралдары саласындағы Алғысы:
- "Время" газетінің шығармашылық ұжымына;
- "Қызылжар-Ақпарат" ЖШС-ның шығармашылық ұжымына;
- "Kaztag" ақпарат порталының шығармашылық ұжымына;
- "TDK-42" телеарнасының шығармашылық ұжымына жарияланды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
