"Қазгидромет" синоптиктері тұманға байланысты алты облыста ескерту жариялады, - деп хабарлайды Tengrinews.kz тілшісі.
Ақмола облысының кей жерлерінде тұман, көктайғақ болады. Оңтүстік-батыстан жел секундына 15-20 метр жылдамдықпен соғады. Көкшетауда көктайғақ болады.
28 қаңтарда Батыс Қазақстан облысының кей жерлерінде тұман түседі. Күндіз оңтүстік-шығыстан жел секундына 15-20 метр жылдамдықпен соғады. Оралда 28 қаңтарда түнде және таңертең тұман түседі.
Қарағанды және Қостанай облыстарының кей жерлерінде тұман түседі.
28 қаңтарда Маңғыстау облысының кей жерлерінде шаңды дауыл болады. Оңтүстік-шығыстан жел соғады, кей жерлерде жылдамдығы секундына 18-23 метрге жетеді. Ақтауда оңтүстік-шығыстан жел соғады, екпіні секундына 17-22 метр.
Солтүстік Қазақстан облысының кей жерлерінде тұман түседі. Оңтүстік-батыстан жел секундына 15-20 метр жылдамдықпен соғады. Петропавлда оңтүстік-батыстан жел соғады, екпіні секундына 15-20 метр болады.
Еске салайық, "Қазгидромет" синоптиктері үш күнге - 28-30 қаңтар аралығына болжамын жариялаған болатын. Циклондар жаңбыр мен қар түрінде жауын-шашын әкеледі, сонымен қатар күн айтарлықтай жылынады.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
