ҰҚК: Сириядан оралған 14 қазақстандық террористік әрекет жасады деп айыпталып жатыр

17 Қазан, 10:25
0
ҰҚК: Сириядан оралған 14 қазақстандық террористік әрекет жасады деп айыпталып жатыр - Видео кадры
Видео кадры

Ұлттық қауіпсіздік комитеті өзге мемлекеттік органдармен және шетел серіктестерімен бірлесіп "Жусан" операциясы шеңберінде Сириядан 595 қазақстандықты елге қайтарды, - деп хабарлайды Tengrinews.kz тілшісі Ұлттық қауіпсіздік комитетінің баспасөз қызметіне сілтеме жасап. 

Оның ішінде 400-ден астамы балалар. Елге қайтарылған адамдардардың ішінде 10 ер адам мен 5 әйел Қазақстанда тыйым салынған ДАИШ халықаралық террористік ұйымының әрекетіне қатысу дерегі бойынша әртүрлі мерзімдерге бас бостандығынан айырылған. 

"Тергеу нұсқасы бойынша Сирияда ДАИШ-тің бір жасағында болған тағы 14 азаматқа қатысты қылмыстық істі тергеу аяқталды. Оларға террористік әрекетке қатысты "әрекетке тартты және терроризмді насихаттады, сондай-ақ өзге де ауыр қылмыстар жасады" деген айып тағылды", - дейді ҚР ҰҚК ресми өкілі Аркен Абдуғали. 

Комитет мәліметінше, қылмыстық іс материалдары Нұр-Сұлтан қаласының мамандандырылған ауданаралық қылмыстық істер бойынша сотына берілген.  

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай