1. Басты
  2. Біл
  3. Жаңалықтар
  4. Ел жаңалықтары

Ұлттық ұлан тәртіпсіздіктер кезінде бүлінген техникаларды көрсетті 14 қаңтар 2022, 22:51

Қазақстанның Ұлттық ұланы тәртіпсіздіктер кезінде арнайы жасақ көлігі қалай бүлінгенін көрсетті, - деп хабарлайды Tengrinews.kz тілшісі Ұлттық
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек
  • Қате таптыңыз ба?

Фото: Қазақстанның Ұлттық ұланы Фото: Қазақстанның Ұлттық ұланы

Қазақстанның Ұлттық ұланы тәртіпсіздіктер кезінде арнайы жасақ көлігі қалай бүлінгенін көрсетті, - деп хабарлайды Tengrinews.kz тілшісі Ұлттық ұлан баспасөз қызметіне сілтеме жасап.

Жаппай тәртіпсіздіктер кезінде Ұлттық ұланның "Бүркіт" арнайы бөлімшесінің әскери қызметшілері арнайы құралдар мен техниканы қолданып, бүлікшілерге қарсы тұрған.

"Шымкентте 6 қаңтарға қараған түні Ұлттық ұланның 6506 әскери бөлімінің арнайы мақсаттағы бөлімшесі полиция қызметкерлерімен бірлесе отырып, ұйымдасқан топ тәртіпсіздіктерін жойды", - делінген хабарламада.

Сондай-ақ, қақтығыстар кезінде тәртіпбұзушылар атыс қаруын, қолдан жасалған материалдар мен тастарды қолданғаны айтылды.

"Бүлікшілер көліктерді аударып, жолдарды жауып тастады, арнайы көліктерге оқ жаудырды. Терезелердегі оқ іздері осыны айғақтайды. Сан жағынан артықшылық бүлікшілер жағында болды - бір адамға 50-і", - деді Ұлттық ұлан өкілі.

Еске салайық, 2 қаңтарда Маңғыстау облысының тұрғындары сұйытылған мұнай газы қымбаттауына байланысты митингіге шыққан болатын. 3 қаңтарда бірден бірнеше облыста митингілер басталды. Наразылық шарасына мұнай өндіруші кәсіпорындардың жұмысшылары да қосылды. 4 қаңтарда өзге де қалаларда бірден жаппай тәртіпсіздік басталды.

Тұрғымбаев Қазақстанда жаппай тәртіпсіздікке ұласқан оқиғалар хронологиясын баяндады

Кейінірек Президент Қасым-Жомарт Тоқаев Алматы қаласы мен Маңғыстау облысында төтенше жағдай енгізу туралы Жарлыққа қол қойды. Алматы қаласы мен Маңғыстау облысында 2022 жылғы 5 қаңтардағы сағат 01:30-дан 2022 жылғы 19 қаңтардың сағат 00:00 кезеңі аралығында төтенше жағдай енгізілді.

Қазақстанда төтенше жағдай режимі енгізілді

5 қаңтарда үкімет отставкаға кетті, Қазақстанда әлеуметтік маңызы бар азық-түлік тауарлары, сұйытылған газ, бензин және дизель отынының бағасын мемлекеттік реттеу енгізілді. Алайда толқу күшейе түсті. Алматы қаласы қатты зардап шекті. Бүлікшілер әкімдік ғимаратын өртеп жіберді, Президент резиденциясын басып алды, дүкендерді, сауда орталықтарын, банк кеңселері мен банкоматтарды қиратып, тонады.

Сондай-ақ, Қасым-Жомарт Тоқаев елімізде қалыптасқан күрделі қоғамдық-саяси және әлеуметтік-экономикалық жағдайға тоқталып, сұйытылған газ бағасының өсуіне байланысты халықтың наразылығын тудырғаны үшін Үкімет, соның ішінде, Энергетика министрлігі, "Қазмұнайгаз" бен "Қазақгаз" кәсіпорындары кінәлі екенін айтты.

6 қаңтарда Кәрім Мәсімов Ұлттық қауіпсіздік комитетінің төрағасы қызметінен босатылды. ҰҚК-нің жаңа басшысы болып Ермек Сағымбаев тағайындалды. Дәл осы күні ҰҚК Қылмыстық кодекстің 175-бабы 1-бөлігі бойынша "Мемлекетке опасыздық жасау" бабы бойынша соталды тергеу амалдары басталды. Қылмыс жасады деген күдікпен ҰҚК-нің бұрынғы төрағасы Кәрім Мәсімов пен басқа да тұлғалар ұсталып, уақытша ұстау изоляторына қамалды. Ал 10 қаңтар Жалпыұлттық аза тұту күні болып жарияланды.

Қазақстандағы тәртіпсіздіктерден бизнеске келтірілген шығын 12 қаңтарда 100 миллиард теңгеден асты. Қаза болғандар мен зардап шеккендер саны анықталып жатыр, әлі белгісіз.

11 қаңтарда Президент Қасым-Жомарт Тоқаев жаңа үкімет мүшелерін тағайындады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!



Join Telegram