Вице-премьер жоғары оқу орындары үшін ұялады

12 Ақпан 2015, 18:20
0
Вице-премьер жоғары оқу орындары үшін ұялады - ©Тұрар Қазанғапов
©Тұрар Қазанғапов

Бас прокуратура Қазақстанның жоғары оқу орындарын тексеретін болады, - деп хабарлайды Tengrinews.kz тілшісі вице-премьер Бердібек Сапарбаевқа сілтеме жасап. 

"Жоғары оқу орындары бойынша бізге экономиканың қажеттілігін ескере отырып маман даярлау керек. Өкінішке қарай, кейде жұмыссыздар қатарын толықтыруға өзіміз көмектесеміз. Біз министр екеуіміз мұнда, Астанада екі ЖОО-ға бардық. Тіпті, ұят! Студенттер жоқ, база жоқ, бақылау жоқ. Студенттердің алдында қандай да бір ұят болу керек қой, ертең олар кім болып шығады, қандай мамандық алып шығады?! Сондықтан мен осы жерде отырған жеке және мемлекеттік оқу орындары, колледждер басшыларынан қатаң тәртіп болуын сұраймын. Біз Бас прокуратурамен бірге тексеретін боламыз. Кімде талапқа сай келмей жатса - жабамыз", - деді Сапарбаев ҚР Білім және ғылым министрлігінің кеңейтілген алқа мәжілісінде. 

Ол оқу орындары басшыларына бұдан былай ЖОО түлектерінің жұмысқа орналасуы туралы жалған анықтамалардың қабылданбайтынын ескертті. 

"Кәсіби бейімдеу жөнінде - өкінішке қарай, онымен де айналысып жатқан жоқпыз. Кәсіпкерлердің ұлттық палатасымен бірлескен жұмыс жүргізілуі керек. Қазір бала оқу орнына қалай түседі: ата-анасы нені айтса, соны орындайды. Ал ертең ондай мамандық қажет бола ма?! Біз бұл мәселемен айналысуымыз керек. Жұмысқа орналасу жөнінде. Бұрын қалай болды - түлектердің жұмысқа орналасқаны туралы жалған анықтамалар енді жарамайды. Енді анықтаманы тек қана Зейнетақы төлеу орталығынан алатын боламыз", - деді Премьер-министрдің орынбасары. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай