Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

Зерттеу құрылымдары фермерлермен дұрыс жұмыс істемейді

14 Наурыз 2014, 16:56
0
©Аkorda.kz
©Аkorda.kz
Мемлекет басшысы Нұрсұлтан Назарбаев С.Сейфуллин атындағы қазақ агротехникалық университетінің ректоры Ақылбек Күрішбаевпен кездесіп, отандық аграрлық ғылымның жай-күйін талқылады деп хабарлайды Tengrinews.kz Ақорданың баспасөз қызметіне сілтеме жасап.

"Агроөнеркәсіп кешенін дамыту саласында көптеген ғылыми-зерттеу институттарымен бірге "ҚазАгроИнновация" да жұмыс жүргізуде және мемлекет оның жұмыс істеуі үшін жыл сайын айтарлықтай қаражат бөліп келеді. Алайда осынау зерттеу құрылымдары мен фермерлер арасында тиісті деңгейдегі өзара іс-қимыл жоқ", – деді Нұрсұлтан Назарбаев.

Мемлекет басшысы Қазақстанда жер және адам ресурстарының жеткілікті көлемде екеніне қарамастан, елімізде ауыл шаруашылығы саласының тиісті қарқында дамымай отырғанын айтты. Ол агроөнеркәсіп кешенінде сыннан өткен әлемдік технологияларды пайдаланған жөн екенін, оларды Қазақстан жағдайын ескере отырып енгізу қажеттігін атап өтті.

"Біз ауа райы қолайлы, жауын-шашын қажетті мөлшерде болғанда ғана мол астық жинаймыз. Әрине, ауыл шаруашылығында өнімділік бұрынғы жылдармен салыстырғанда айтарлықтай артты, бірақ әлі де бұл бағытта белсенді жұмыс жүргізу міндеті тұр. Мемлекет осы міндеттің орындалуына едәуір ресурстар бөліп отыр", – деді Қазақстан Президенті.

Өз кезегінде Ақылбек Күрішбаев агротехникалық университеттің соңғы жылдары қол жеткізген жетістіктері және Мемлекет басшысының жоғары оқу орны базасында халықаралық аграрлық зерттеу университетін құру жөніндегі тапсырмасының іске асырылуы туралы баяндады. Нұрсұлтан Назарбаев қаралған мәселелер бойынша бірқатар нақты тапсырма берді.

Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай