Денсаулық сақтау министрі Елжан Біртанов жыл басынан бері елімізде қанша босанған әйелдің қайтыс болғанын айтты, - деп хабарлайды Tengrinews.kz тілшісі.
"Қайтыс болған әйелдердің саны еліміз бойынша - 31. Осыған дейінгі жылдармен салыстырсақ, жыл сайын 50-60 әйел қайтыс болған. Ресми статистика бар. Біз жыл сайын аудит жүргіземіз", - деді министр үкіметтегі баспасөз-конференциясы барысында.
Министрдің айтуынша, бүгінге дейін босанған әйелдердің өлімінің саны 14-15-ке жетті.
"Бұл салыстырмалы көрсеткіш. (...) Ал статистика - ол шартты. Мысалы, Қызылорда облысында былтыр ондай жағдай тіркелген жоқ, бірақ биыл ол көрсеткіш бірден екіге жетті. Барлығы әйелдердің санына, демографияға және босану жиілігіне байланысты", - деді министр.
